Laerskool Handhaaf: Handhaaf Nuus

Volg hierdie blad vir daaglikse nuus oor die gebeure

by Laerskool Handhaaf.

Junie 2023

Na 18 jaar by Laerskool Handhaaf, is dit vir my ‘n groot voorreg om die nuwe skoolhoof

van Handhaaf te wees. Ek sien uit na die nuwe uitdagings en om Handhaaf na die

volgende vlak te neem. Hierdie is net moontlik deur die uitstekende personeelgroep

wat Handhaaf het asook die betrokkenheid van Handhaaf se ouers en die gemeenskap.

Volgende jaar is Handhaaf 100 jaar oud. Hou asseblief sosiale media dop vir wanneer

die eeufeesviering asook anders feesvieringe gaan plaasvind.

Handhaaf het tans 695 leerders, 29 akademiese personeel, 4 administratiewe

personeel, 6 terreinpersoneel, 4 onderwys-assistente en 6 internskappe. Ons ouers is

elke jaar baie betrokke by alle aktiwiteite en dit is juis wat Handhaaf van ander skole

onderskei. Ons is volgende jaar die enigste suiwer Afrikaanse skool in Uitenhage. Ek

glo vas aan moedertaal onderrig en sal alles in my vermoë doen om ons moedertaal te

beskerm. Die fasiliteite en geleenthede wat ons kinders kry, word jaarliks uitgebrei en

ten spyte van die huidige situasie in ons land, gee ons soveel as moontlik blootstelling

aan ons leerders.

My gebed is dat 2023 'n jaar van seën en voorspoed vir al ons ouers en kinders sal

wees en dat ons veilig en gesond sal bly.

“Today is your

opportunity to

build the tomorrow

you want”

Handhaafgroete

Neil Loock

Mei 2023

Aan elke Laerskool Handhaaf leerder: Sterkte met die eksamen wat vandag begin.

Trollie-vol-kos-kompetisiewenners:
1ste prys Mev. Ellis (R2000 Koopbewys)
2de prys: Mev. Whitehead (R1000 Koopbewys)
3de prys: Mnr.Taljaard (Linka) (R500 Koopbewys)

Leerder meeste geld ingesamel R500 kontantprys - Heinrich Stumke
2de Plek - Caleb Jantjies

RUGBYNUUS: Baie geluk aan Keano Wood en Aiden van Wyk wat gekies is vir die 2023 OP Craven week span. Ons is baie trots op julle en sterkte met die toernooi wat voorle. #handhaafmanier

Ondersteunersklubfunksie: Ons sien vreeslik uit na 'n lekker aand van mooi aantrek, dans, eet en kuier!

Gelukkige Moedersdag vir elke gesin van Laerskool Handhaaf .

April 2023

Landloopnuus: Die landloop het 'n heerlike steak-aand gehou. Dankie vir almal se ondersteuner.

Tennisnuus: Die Tennis C-span het vandag 'n geleentheid gekry om teen Susanah Fourie se A-span mee te ding. Hardus Michau het kans gesien om 2 van die manne aan te vat. Lané Joubert en Ryan Jonker het hulle wedstryde 4-3 elk gewen. Ons C-span was baie opgewonde om ook n beurt te kry om te speel. Handhaaf wen vandag se wedstryd 15 - 13!

Maart 2023

Op die laaste dag van kwartaal 1 wens ons elke gesin van Laerskool Handhaaf 'n veilige en geseënde vakansie tydperk toe.

Sterkte aan al die sportgroepe wat hierdie vakansie toer. Veilig reis. Gee julle bes! #handhaafmanier

Tennisnuus: Ons is reg vir die jaarlikse Handhaaf Klinicare tennistoernooi wat môre en Saterdag plaasvind by Laerskool Handhaaf se tennisbane.

Ons sien uit om die volgende skole by ons te hê:
Gonubie (Oos-Londen)
Charlo (Port-Elizabeth)
Lorraine (Port-Elizabeth)
Victory Christian School (Jefrreysbaai)
Stulting (Humansdorp)
Gamtoosvallei (Patensie)

Sterkte aan elke speler wat deelneem.  Kom loer gerus as jy goeie tennis wil sien.

Toetsreeks: Sterkte aan elke Laerskool Handhaaf leerder met die toetsreeks wat vandag begin.

ATLETIEKNUUS:
Keanan Reuben het die naweek die Metro span verteenwoordig waar hy aan die Oos-Kaap atletiek kampioenskappe vir hoërskole deelgeneem het.
Hy verower goue medaljes in die seuns o.14 100m hekkies en 300m hekkies.

Baie geluk, Keanan!

Handhaaf Touchies:

Februarie 2023

Graad 2: Mamma en dogter netbal tyd. "Time spent playing with children, is never wasted."

Valentynsdag Pretdraf- Nog 'n suksesvolle pretdraf is agter die rug. Dankie vir al die ondersteuners wat die dag suksesvol gemaak het. Geluk aan al die wenners.